أمير و
الثلاثى س
3
نهاية
الحلقة الثانية
شكرت
الدكتور و شكرت"مدام داليا" و شكرت "هانى" عند خروجى فقد جلس
بالخارج و ترك مكتبه لنا فى أدب و رقى الزملاء المحترمين . شئ غريب أن نفعل كلنا
هذا فى نفس الوقت و لكنها محبة الزمن الماضى و الإحترام دون وجود نفوس غير طيبة
تسعى للفتنة و الوقيعة بين الأصدقاء بأمراض نفسية و نفوس غير سوية و عقد مترسبة و
أحقاد متعددة . المهم إننا قد إتصلنا ببعضنا البعض عبر "الواتس آب" و
ابلغنا بعضنا اننا فعلنا كذا . فلم يكن أحدنا يرغب ان نذهب المرة التالية لزيارة
صديقنا المريض و نتبارى من يحبه و من لا يهتم به كنا ك"الفرسان الثلاثة"
التى قرأناها فى مكتبه جده الباشا بالفرنسية و ترجمتها العربية و شاهدناها فيديو
حيث كان منزل "سليم بك" أول منزل بالمنطقة يدخله الفيديو . و إنتظرنا
لقاء البك على أحر من الجمر السبت القادم فإلى لقاءنا مع البك . . .
الحلقة الثالثة
وصلنا
فى نفس الوقت السبت فى تمام العاشرة صباحاً فقد كانت مواعيدنا منظبطة بشكل غير
عادى فكلا منا ملتزم بشكل غير بسيط :
-
العبدلله لإن عمله مرتبط به كم أشخاص غير قليل و ضبط إضاءة و ديكور اللويكشن و
ماكياج المذيعات/ين و الفنانين و مواعيد البنوك لدفع الرواتب الإسبوعية و أشياء
كثيرة لو تحدثنا عنها لما إنتهينا .
-
العميد "أمير" فعمله يجعله ملتزم بالمواعيد بشكل غير بسيط أكثر من أى
شخص أخر قد لا يهتم بالموعد .
-
الدكتور "سعيد" فإلتزامه بمواعيده يعنى إلتزام طاقم التمريض و المساعدين
و عمال المستشفى و الموظفين و عمال النظافة .
كان
كل منا ملتزم بالمواعيد و هذا أمر هام فالإلتزام بالموعد يجعل من حولك يلتزم معك
فى كل شئ إلا لو كانت نفسه غير سوية و هذا ما سنراه كثيراً فى قصتنا . . .
وقفنا
أمام منزل "البيه سليم" فهكذا نطلق عليه و قص كلنا منا ما فعله و تحدثت
فى النهاية إلى "العميد أمير" و "الدكتور سعيد" و إتفقنا على
ان يتولى "الدكتور سعيد" بصفته طبيب التحدث إلى "سليم" و
لنتفق معه إلى اين يحب الذهاب و قد عرض "أمير" أن يتولى أمر تكاليفه
المادية بصفته أخونا الأكبر و هو ما رفضناه تماماً و كان قولى :
-
"أمير بيه" لو الموضوع فيه تكاليف مش حنسيبك تتحملها لوحدك و ما تنساش
قسم الفرسان التلاتة ONE FOR ALL AND ALL FOR ONE .
-
بعد إذن "أمير بيه" و "سمير بك" المستشفى أنا شريك فى الأسهم
فيها فلو ممكن أتولى موضوع "البيه سليم" .
-
"دكتور سعيد" أمير بيه" لو حد حيتولى الموضوع يبقى أنا لإن حضراتكم
عندكم عائلات و أنا و الحمدلله صايع ما فيش حد مسئول منى .
هنا تحدث "أمير و قال لنا :
- إنتم مستعجلين ليه يا جماعة أنا بأقول نطلع و نعرض
الموضوع على "سليم" و يمكن يكون عنده حل ما نعرفوش .
يالا بينا و صعدنا إلى "البيه سليم" كان يبدو
افضل من المرة السابقة حيث إرتدى "الروب دى شامبر" زى روب " برنس
شوكت حلمى و حلق دقنه و حط بارفان روعة ريحتها مغرقة البيت من قبل ما ندخل و كان
هذا إيذاناً بعودة الروح إلى روح هذا الشاب المقاتل الذى سيقاتل بشكل غير عادى
مقاتلة شرسة ضد مرض غريب لم نسمع عنه من قبل عدا "دكتور سعيد" الذى حضر
مؤتمرات خاصة بهذا المرض إلا إنه لم يصادف حالات كثيرة منه . أدخلنا الفراندة
الشتوية المطلة على الشارع الرئيسى و قال لنا فى صوت ملئ بالسعادة :
- ايه يا بهوات تشربوا ايه ؟ "أمير بك" القهوة
التركى محضرها لسعادتك يا دوبك حأجيب السبرتاية و الصينية . "دكتور
سعيد" مجهز لحضرتك صينية عليها (جبنة ركفورد و لافاش كيرى و رومى بطارخ و
كيرى و عيش بيتى باه) الغالى اللى نورنى "الفنان مسيو سمير" مجهزلك
كابوتشينو كراميل و بكده أقدر اقول رجعنا للأيام السعيدة بس حأزعجكم لإن حركتى ما
بقتش مظبوطة فحضراتكم حتجيبوا الصوانى من المطبخ .
فقام مسرعاً "أمير" و قال له :
- كل ده عملته المفروض ما تجهدش نفسك و تهتم بأكلك و
حنشوفلك واحدة تيجى تتابع معاك البيت ده لو تسمح ؟
- "أمير بك" حضرتك عارف إنى بحب أحضر حاجتى
بنفسى . و "أم زهرة" بتطلعللى مرة فى الإسبوع تضف و تغسل و تنشر و
تعمللى أكل يكفينى الإسبوع كله . ده كان من الإسبوع اللى فات لما لاقوكم عديتوا
على و عرفوا إن ليا ناس بتسئل عليا .
- "سليم بيه" الدكتور سعيد حيقولك حاجة فممكن
و إحنا بنجيب الحاجة من المطبخ يتكلم مع حضرتك و تقولينا لو عندك رؤية فى هذا
الأمر .
- أكيد بس رؤية إيه و أمر إيه طيب تعالوا نجيب الصوانى و
أنا حأجيب لنفسى إزازة مية من الفريزر لإن بقيللى فترة بقيت بأشرب الميه متلجة و
بأستريح فى الموضوع ده قوى .
يالا بينا و فعلا قمنا كلنا إلى المطبخ و هنا بدأ
"دكتور سعيد" بالحديث :
- "سليم بيه" إنت عارف إننا كلنا بنحبك و
بنعتبر بعض إخوات ؟
- أيوه . . .
طبعاً "دكتور سعيد" هو الموضوع خطير فاضللى كام شهر
هههههههههههههههههههههههههههه و تشاركنا جميعاً الضحك فقد كان يهمنا أن يعود
"البيه سليم" للضحك و ينسى تعبه و سقوطه مغشياً عليه . و اخذنا الصوانى
الى الفراندة الشتوية .
- لا يا بيه رب يديلك طولة العمر الموضوع بعيد عن
التهريج إننا بعد ما خرجنا من عندك و من غير ما حد يقول للتانى كل واحد راح مكان
يستفسر عن اللى حصلك و الشئ الرائع إن الأطباء الثلاثة اللى إستشرناهم طلبوا نفس
الشئ و هو رنين بالصبغة على المخ و معايا الروشتات من طبيب زميل فى المستشفى عندى
و من طبيب زميل "العميد امير" و من طبيب زوج المذيعة الشهيرة زميلة
"الفنان سمير" و كلهم معروفين و متمكنين من عملهم و الروشتات التلاتة
معايا النقطة اللى عايزين نتكلم معاك فيها هى تحب تعمل الرنين فين و لإنه مكلف فكل
واحد فينا عايز يتحمل جزء من التكاليف إن ما كنش كل واحد فينا عايز يتحمل التكاليف
كلها.
- "دكتور سعيد" "أمير بيه"
"الفنان سمير" أشكركم على مشاعركم النبيلة لكن أنا عندى ما يخصنى من
ميراث و حأقدر أروح أتعالج فى أى مكان بس خلونا نأخد المسألة بالتسلسل المنطقى
أولاً لازم أعمل رنين بالصبغة على المخ . . . بعد إذن حضرتك "دكتور
سعيد" ممكن تقولى افضل أماكن لعمل هذا الرنين و اقربهم بالنسبة لى . . . . و
فعلا قررت الذهاب إلى افضل و أقرب رنين بالصبغة و ذهبت و كان يرغبوا فى الحضور معى
و أمام إصرارهم لم أجد بداً من الإتفاق للذهاب للحجز و فعلاً بمجرد أن إرتديت
ملابسى نزلنا و ذهبنا إلى مركز الرنين و حجزنا السبت القادم ليكونوا معى و مررنا
على الكوربة و أصر "العميد أمير" أن يقوم بدعوتنا على
"لوشانتييه" و أنزلنا أمام الباب و ذهب ليركن سيارته و عاد إلينا و كانت
جلسة جميلة ضحكنا فيها دون صوت عالى حفاظاً على رونق المكان . . .
تحياتى
لكم أصدقائى و إلى لقاء قريب. . .
محمد
أحمد خضر
+2 0122 312 8543
+2 0101 456 1217
+2 0114 955 5927
