أمن قومى
الحلقة الثالثة
نزهة فى باريس
أخذت رقم موبيل"مريم"وإتفقنا على التقابل للذهاب إلى"روموفتار"
كان الموبيل لم ينتشر بشكل واسع النطاق فى ذلك الوقت من عام 1997
،ولولا ظروف عملى فى التصدير لما قمت بإمتلاكه وكذلك هى ،لولا إرتباطها
بدراستها العملية فى فرنسا لما كان معها .
والموبيل قد يسر علينا أمور كثيرة فى مهامنا الخاصة حيث إن حمل موبيل
أكثر أماناً من حمل جهاز لاسلكى مهما صغر حجمه فهو يثير التساؤلات ،
وفيما بعد أصبح الموبيل هو وسيلة الإتصال الأساسية فى مهامنا
بعد تصميم شفرة خاصة بحيث يبدو الكلام عادى دون أن يلفت حديثك
إنتباه أى شخص ،فى حين يكون الموضوع الذى تتحدث فيه مع الطرف الأخر
بالغ السرية .
بعدما تركت "اللوفر"وأنا فى طريقى إلى الفندق فى "النورد" كان علىّ
أن أبلّغ "القاهرة" بذهابى فى لقاء خاص جداً ،كنت أعلم إن هناك من يتتبعنى
لتأمينى ،ولم أكن أشغل بالى بذلك الأمر ولم أهتم بمعرفة شخصيته ،خصوصاً
وأنا أعلم إنه شخصية متغيرة ،وكانت مكالمتى للقاهرة لتأمينى الشخصى
و قد وضح فى كلمات بسيطة إنهم يعرفوا لقائى ب"مريم"وإنها
شخص فوق مستوى الشبهات ،إرتحت لذلك فقد كان الأمر بالنسبة لى
أكثر من مجرد لقاء فتاة جميلة ،كان فكرى يذهب لأبعد من ذلك ،
وهو ما سيتضح لنا بعد قليل .
وصلت الفندق فى"النورد" توجهت إلى المطعم لأتناول وجبة الغذاء ،
كان كل من فى المطعم من موظفين يسعوا لخدمتى بعدما وقع حادث
إعتبرته بسيط ،ولكنه ترك أكبر الأثر فى كل من بالفندق حيث وقع الحساء
الساخن من إحدى المضيفات على ملابسى ،وصممت مديرة وصاحبة الفندق
على طردها ،فى حين قلت لصاحبة الفندق الفرنسية الجميلة فى هدوء :
- لو كان هناك من يستحق الطرد فهو أنا ،لإننى من تسببت فى وقوع الحساء على ملابسى وتحطيم الأنية التى بها الحساء .
فكان ردها إنها تعتذر لى لإننى عميل دائم عندها و لايمكن أن تفعل شئ طالما
أنا لا اشكو . وإنتهى الموقف ولكنه - كما قلت - ترك إنطباع جيد فى نفوس كل من بالفندق حتى أصبح كل العاملين فى الفندق يتسابقوا لخدمة ذلك المصرى المهذب ،
وكان هذا أهم ما ارغب فيه وهو ترك إنطباع جيد عن بلدى"مصر" ،
مما جعل الكثيرين يقولون لى إنهم يرغبوا فى أخذ رقم هاتفى فى مصر لإنهم
حين يزوروها سيسعدوا بمقابلتى فى بلدى .
أنهيت الغذاء وصعدت إلى غرفتى ،وبعدما تأكدت من تأمين الغرفة ،غيرت
ملابسى وإستعددت للنزول ،إستخدمت عطر حديث وهو "سكلبتشر" ،كنت
أستمتع بوضعى العطور بشدة لإنه حينما أبدأ إحدى المهمات الخاصة
لا أضع أى عطر وحتى لا أقوم بإستخدم كريم بعد الحلاقة به رائحة ،
لإن المعلومات العلمية الحديثة التى تدربنا عليها كانت تثبت إنه يمكن تتبعك
من خلال الرائحة ،ولذلك كنت أستمتع بإستخدام عطورى المحببة فى
فترات الأجازة بعد إنتهاء المأموريات .
نزلت ،أخذت سيارتى المؤجرة كنت أستخدم المترو فى تنقلاتى فى "باريس"
فترة الصباح برغم وجود السيارة معى ،وذلك لصعوبة وجود مكان للإنتظار
فى"باريس" ،ولكن فى حالة سهرى بالخارج ،كان لا بد من الذهاب بالسيارة
حتى لا أضطرلإستخدام التاكسى الباهظ التكلفة ، إتصلت ب"مريم" لأتأكد من
إنها جاهزة للخروج للنزهة ،فأكدت لى إنها جاهزة ،وصلت"مونبرناس"
فى خلال ساعة وجدت "مريم" تقف فى البلكونة التى تحيط بها الورود الحمراء
وهى علامة معروفة فى كل شرفات "باريس" ،نزلت من السيارة
لأفتح لها الباب حسب الإتيكيت المتبع ،ولأول مرة نتواجه ،بمعنى أن نقف وجهاً
لوجه نبحث عن حقيقة كلاً منا من خلال نظرات فى عين الأخر وكانت عيناها
جميلتان براقتان و قد أنهيت تلك الوقفة بحديث بسيط :
- تحبى نروح "رو موفتار"الأول نأخد درنك وألاّ "سان ميشيل" على طول .
- زى ما تحب ، أى مكان حنكون فيه مع بعض حيكون ظريف ،إنت عارف ما
بقعدش مع حد من ريحة الحبايب وإنت ريحة الحبايب اوى ،بس إيه البارفان
الروعة اللى إنت حاطه ده ؟
- "سكلبتشر"ماركة جديدة ،لسه نازل ،إمبارح كنت فى محلات
"شارل و راؤؤل" وعرضوه على علشان جديد .
- ده إنت شكلك تعرف كل حاجة فى "باريس" ،إنت جيت كام مرة
وبتشتغل إيه وإيه حكايتك ؟
- برئ يا بيه ما عملتش حاجة ،ده مش أنا ده هو .
تبادلنا الضحكات وكنا قد وصلنا إلى"رو موفتار" كان هناك مقهى أفضله أكثر
من غيره من المقاهى المنتشرة فى ذلك الشارع الهادئ الممتلى بكافة أنواع
البشر وبعازفى "الجاز" جلسنا و طلبت هى "نسكافيه" و أخذت أنا
"إسبريسو"تلك القهوة التى أصبحت أعشقها ، وجدتها تنظر لى و تسألنى :
- ممكن أعرف حكايتك إيه بالظبط ؟
- لو حضرتك تقصدى مقابلتنا الكام مرة اللى فاتوا ،كانوا صدف ،
بس بينى و بينك صدف سعيدة .
- ميرسيه ،طيب . بتعمل إيه فى باريس ؟ وبتشتغل إيه ؟ ودراستك إيه؟
وليه كنت فى مدرسة القفز بالبراشوت ؟ وكنت بتعمل إيه فى حفل مهرجان
السينما ؟ والأهم إنت مرتبط ؟
- ههههههههه ،حأرد على السؤال الأخير وبعد كده حأرد على سؤال سؤال
من السؤال الأول للسؤال الأخير .
- إنت لحقت تحفظهم ؟
- أيوه أصلى كنت أدبى ،بس بأحفظ وبأفهم ،مش بأحفظ بس.
إشتركنا فى الضحكات وكانت ضحكتها جميلة ،وبدأت الإجابة فقلت لها :
- أنا مش مرتبط لإنى لو مرتبط ،مش حينفع أقعد مع حضرتك لإنى مقتنع
بأنى علّى أن أكون لإمرأة واحدة فقط .
- هايل ،يا ريت كل الرجالة تفكر زيك كده .
- بالنسبة لزياراتى"باريس"جيت كتير قبل كده ودلوقت أنا فى "باريس"
فسحة بعد ما خلصت موضوع شغل فى ألمانيا وهولندا ،وبالنسبة للشغل
بأشتغل المدير التنفيذى لمؤسسة تمتلكها أسرتى خاصة بتصدير المواد
الغذائية المنتجة من أرض العائلة بعد تعليبها فى مصنع نمتلكه،
أنا خريج معهد السينما وعملت فى المجال سنة واحدة وتركته ،كنت فى
مدرسة المظلات لإنى لما خلصت الدراسة دخلت كلية ظباط الإحتياط لإن
تجنيدى كان ظابط وأخدت فرق كتيرة منها فرقة المظلات ،وكنت فى زيارة
لصديق بالمدرسة وصمموا لازم أنط بالبراشوت كنوع من المجاملة لىّ
لإنهم عارفين مدى عشقى للقفز بالمظلة
،ولإنى خريج معهد السينما فمرتبط بالفن وعضو
فى نقابة السينما ولىّ اصدقاء فى المجال فيتم إرسال دعوة الإفتتاح لى سنوياً
،بيتهيالى الأجوبة كانت على كل الأسئلة ،مافيش سؤال ناقص،صح ؟
- صح ،إنت هايل ترتيب أفكارك متميز وذهنك صافى ومتيقظ و حس الدعابة
عندك عالى .
- أعتبرها مغازلة حضرتك ؟
- إعتبرها بس بدون حضرتك ،إسمى "مريم" .
- أوكيه "مريم" ،ممكن أعرف حكايتك ؟
- حكاية مين يا سيدنا ،ده إنت اللى حكاية ،كل ده إنت ؟ أنا لا شئ بالنسبة لك
،أنا عشت حياتى فى "مصر الجديدة" زى ما قلتلك
لما إتعشينا هناك من كام سنة ،ولإن إخواتى كبار فكنت بأحس إنى وحيدة دايماً
وكنت احب أعتمد على نفسى فكنت بأتصرف زى الكبار ،وعمرى ما حسيت
بطفولتى ،ولإن بابا سفير فكنا بنضطر نسافر كتير ونتنقل من بلد لبلد فماكنش
ليا إصحاب خالص ،ولم أمر بتجارب حب فى حياتى ، يعنى ممكن تعتبر نفسك
قاعد مع"شكرى أفندى" أو"الغفير صميدة" يعنى فى الباسبور أنثى واللى
يشوفنى يقول"واو رائعة" ،لكن لما تتعامل معايا حتلاقينى ما أختلفش عنك
كتير فى طريقة التعامل وده اللى خلانى صمدت فى الحياة فى أوروبا ولم
يجرفنى الإنفتاح فى الحياة و الصداقات المختلفة ،وإنت عارف بأقصد إيه
،وده اللى خلانى أخرج معاك النهاردة إنى لقيت شخص مختلف عن كل اللى
بيحاول يقرب ويتلّزق فى إنثى ،وعلشان كده كنت بأنط بالبراشوت علشان
بأقول لنفسى و للناس اللى حواليا ما فيش فرق بين الولد والبنت ،ولما
إتكلمت معايا قبل القفزة الممتعة حسيت إنى بأتعامل مع شخص مميز وإتمنيت
لأول مرة فى حياتى أتعرف على شخص هو إنت ،صدقنى مش عارفة بأقولك
الكلام ده ليه ،يمكن تكون أول مرة أستريح لإنسان ،يمكن لقاءاتنا الغامضة
اللى وقتها مش كتير ومابنتقابلش غير كل كام سنة مرة ،يمكن كلامك اللطيف
فى "اللوفر" أو طريقتك لما قلتلى "يا بلية" وإحنا فى طيارة
"القفزة المثيرة" ،صدقنى يا"نبيل" كنت أتمنى أقابلك بعدها على طول
،لأول مرة فى حياتى ألاقى نفسى مشدودة لرجل ،بعد القفزة سئلت عنك
ولم أصل لأى معلومة ،وفى حفل إفتتاح المهرجان كنت بأبص عليك وإنت
داخل فى هدوء لابس توكسيدو رائع ،و لما جيت أقعد جنبك بعد بداية عرض
الفيلم ما حاولتش تبصبص على الأنثى اللى جنبك بتتفرج على الفيلم بتركيز
شديد حسيت أد إيه إنت حساس ،أسفة أنا لأول مرة بأطلع كل مشاعرى لرجل
،يمكن اكون طلعت مشاعر مسكاها بقالى سنين بأخاف أطلعها علشان ما
تتفهمش غلط أو يتم إستغلالها ،أكيد بتقول عنى رغاية .
- ههههههههه ،لا يا "مريم" مش رغاية و لا حاجة ،أنا عارف شعورك
كويس ،شعور شخص صامت طوال حياته يتمنى يتكلم يقول اللى جواه ،
لما بيلاقى حد يستريح له يتكلم و يطلع مشاعره ،
إنتى أجازة بكرة بس ؟
- عايزنى أخد كام يوم أجازة ؟
- والله كله يبقى من كرم أخلاقك ،أنا قاعد فى باريس إسبوعين زي ما قلتلك
،فشوفى إنتى بقى ؟
- شوف . إنت عارف ،لو كان شغل كنت ممكن أخد أجازة سنوية
علشان أكون معاك و ده علشان حأعتبرها إنى واخدة أجازة راحة علشان
أبقى معاك ،لكن إنت عارف ديه دراسة يعنى ما أقدرش غير يومين بس
و حأروح الأول أستائذن من أستاذ التخصص و أتمنى يوافق على طول .
- طيب ،المهم ياللا بينا على "سان ميشيل" و ألا مش جعانة؟
- شوف . أنا ما أكلتش لما روّحت ،لإنى كنت بأجهز للنزول ،مش علشان
الماكياج ،لا ،علشان بأفكر فيك ، إنت مش عارف إنت عملت إيه فيا .
- إبتسمت لها و لم أعلق ،فقد كانت هى من إستولت على مشاعرى كلها
بكلماتها الطيبة ،كانت المرة الأولى التى أتعامل فيها مع أنثى دون الحذر
من أن تكون عميل للخصم فبعدما أخذت الضوء الأخضر من القاهرة
كنت سعيد بتمتعى بتلك الصداقة ،أنهينا المشروبات ،
تحركنا إلى "سان ميشيل" لتناول العشاء فى المطعم اليونانى الذى أعشقه
ورقصنا على الموسيقى اليونانية و لم أستمتع فى حياتى كلها مثلما إستمتعت
فى تلك الليلة والليالى التالية فقد كنت أعشق "باريس" و قد زاد عشقى لتلك
المدينة بعد تعرفى ب"مريم" والأيام اللطيفة التى قضيناها فيها ،كانت بمجرد
إنتهاء دراستها العملية صباحاً فى "اللوفر" تجدنى أنتظرها
عند "الهرم الزجاجى" كنا نتمشى حتى سيارتى وكنت أتركها تختار
أين نقضى الليلة فليلة نذهب ل"فرساى"
و ليلة سهرة عند "المسلة المصرية فى ميدان الكونكورد"
وليلة فى "الشانزليزيه"
و ليلة فى غابات "بولونيا" ،
وفى نهاية الإسبوع قالت إنها تعد لى مفاجأة و قالت لى :
- ما تجيش بعربيتك عند البيت عندى أنا من سأحضر لك و إلبس لبس كاجوال
علشان فيه مفاجاة حلوة عملهالك ،كنت أفكر و أحاول إستنتاج ما نوع
المفاجأة التى تعدها لى .
و لم أطل التفكير والإستنتاج فقد كانت الأيام تجرى بسرعة بلطف و كنت أريد أن
أريح ذهنى ففى عملنا يكون الذهن يعمل بسرعة غير عادية وكما يحتاج الجسد
للراحة فكذلك العقل .
و يوم الأحد فى السابعة صباحاً وجدتها تقف بسيارتها أمام الفندق فى "النورد"
كانت ترتدى ملابس كاجوال لأول مرة وترتدى "فست" من نوع خاص
و قالت لى :
- تعرف إحنا رايحين فين ؟
- رحلة صيد .
- إيه اللى عرفك ؟
- الفست اللى إنتى لابساه يخص رحلات الصيد .
- إيه المعلومات الروعة ديه ،إنت ما فيش حاجة ما تعرفهاش؟
- قلتلها ناسية إنى كنت فى كلية ظباط الإحتياط يعنى كنت بأضرب نار؟
- أيوه صح .
- وكنا بنطلع رماية كتير وكنت البرنجى ،تعرفى يعنى إيه البرنجى ؟
- يعنى نمرة واحد ههههههههههههههههه قالتها وهى تضحك وترفع إبهامها
الأيمن وكما لو كنت أكتشف إن ضحكتها رائعة نظرت لها و انا صامت فقد
إمتلكتنى ضحكتها اللطيفة فقالت و قد لاحظت هى ذلك فقالت لى :
- وله فيه إيه ؟
- تتجوزينى ؟
- نعم يا أخويا ؟
- تتجوزينى يا "مريم" ؟
- إنت فاكرنى علشان عايشة فى أوروبا يبقى ماليش أهل ؟
روح أطلبنى من بابا .
- حأعمل كده ،بس بأخد الموافقة المبدئية منك ،تتجوزينى ؟
- أتجوزك ؟أكيد طبعاً أتمنى أتجوزك قالتها وهى تنظر لى نظرة لأول مرة أراها
في وجهها ،نظرة أنثى جميلة رائعة .
بعد مقابلة أهلها و موافقتهم والإتفاق على الزواج فى القاهرة بحضور أهلى .
تم الزواج وقضينا شهر عسل بين "باريس"و "بلجيكا" تمتعنا فيها بشكل رائع
،بعدها عدت إلى مهامى الوظيفية ما بين المؤسسة و العمل السري ،كان لا أحد
يعرف شئ عن عملى وذلك لطبيعة عملى السرية و لتأمين كل أهلى .
و كانت أول مامورية أكلف بها بعد الزواج فى غاية الصعوبة ،ففى البداية كان
الأمر يخصنى وحدى أما الآن أصبح على أن أخفى أشياء عن شريكة حياتى
،فكانت الصعوبة ليست فى أدائى المهمة ،لكن فى إخفاء طبيعة عملى عن شريك
حياتى الذى يرافقنى فى كل خطوة .
فماذا سيحدث ؟
هذا ما سنتابعه معاً فى الحلقة التالية .
+2012312854
